© MedBook.mn. 2011-2024
Хандив өгч бидний үйл ажиллагааг дэмжсэн танд баярлалаа. Хандивын данс: 3000030101 Капитрон банк /Нээлттэй ном/
Нийгмийн эрүүл мэнд

Г.Батбаатар: Шүлсний оношлуур коронавирусийн хуулбар 6-12 байхад буюу халдварыг эрт илрүүлэх давуу талтай

ЭМЯ-ны ээлжит хэвлэлийн хуралд АШУҮИС-ийн дэд захирал Г.Батбаатар оролцож, шүлснээс КОВИД-19 халдварыг илрүүлэх оношлуурын танилцуулгыг хийлээ.

Тэрбээр "Хамар залгиурын PCR нь залгиурын шүүрэл дотор халдвар байгаа эсэхийг илрүүлдэг бол шүлсний оншлуур шүлсэнд халдвар байгаа эсэхийг илрүүлнэ.

Шүлсний оношлуур вирусийн 6-12 хуулбар байхад илрүүлэх чадвартай. Үүнийг дотоодод болон Германд хийсэн туршилтаар баталгаажуулсан бөгөөд адилхан үр дүн гарсан.

Гэтэл манай улсад хэрэглэж байгаа оношлуурууд вирусийн 100 хуулбар байхад илрүүлж байгаа. Тэгэхээр шүлсний оношлуур нь халдварыг эрт илрүүлэх давуу талтай гэсэн үг. Түргэвчилсэн оношлуур бол вирусийн 100,000 хуулбар байхад илрүүлдэг.
Шүлсний оношлуурын мэдрэг чанар 95 хувьтай байгаа бөгөөд эмнэл зүйн практик ашиглахад хангалттай.

Залгиураас шилжилгээ авахад заавал мэргэжлийн хүн ажиллах, сорьц авах үеийн алдаанаас шалтгаалаад хуурамч сөрөг гарах, эмнэлгийн ажилтнууд сорьц цуглуулах үедээ халдвар авах, шинжилгээ өгөх үеийн таагүй нөхцөл гэх мэтийг арилгаж байна. Түүнчлэн үнэ өртгийн хувьд хямд.

Шүлсний оношлуурыг бүтээхэд шаардлагатай түүхий эдүүдийг Герман, Япон улсаас татан аваад Эмнэл зүйн лабораторид угсарч байгаа. Түүхий эд тасалдахгүй бол өдөрт 20,000 ширхэг оношлуурыг угсарч, бэлтгэх боломжтой" гэдгийг хэллээ.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд MedBook.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Уншиж байна ..